इन्फोटेकमा जापान, कोरिया, भारत, जर्मनी आदि देशमा निर्मित कम्प्युटर, ल्यापटप आदि सूचना प्रविधिसँग सम्बन्धित सामानहरू २० देखि ४० प्रतिशत कम मूल्यमा उपलब्ध गराउने आयोजकहरूको दाबी छ । गुणस्तरीय सामानहरू एउटै थलोमा उपलब्ध गराएर बजार मूल्यभन्दा सहुलियत मूल्यमा बिक्री गर्ने र विश्वमा विकसित सूचना-प्रविधिको जानकारी गराउने उद्देश्यले इन्फोटेकलाई निरन्तरता दिन लागिएको अध्यक्ष प्रकाश रानाले साप्ताहिकलाई बताए । ४ हजार ५ सय रुपैयाँको ल्यापटप विशेष आकर्षण हुने इन्फोटेकमा आईसीटी कन्फरेन्सअन्तर्गत भिलेज कनेक्टिभिटी, डिजिटल सिक्नेचरलगायत नयाँ प्रविधिहरूका सम्बन्धमा गोष्ठी एवं सेमिनारसमेत सम्पन्न गरिनेछ ।
Kathmandu Time
