जनगणनाका लागि देशभर ८० जनगणना कार्यालय चैतमा स्थापना भइसकेका छन् । २ सय ७० इलाका जनगणना कार्यालयसमेत स्थापना गरी कर्मचालाई तालिम दिन सुरु गरिएको विभागले जनाएको छ । वैशाख तेस्रो साताभित्र निमावि तहका साढे ८ हजार शिक्षकलाई सुपरिवेक्षकका रूपमा छनोट गरी तालिम दिइने छ । 'कोही नछुटौं, कोही नदोहोरिऔं, अक्सर बसोबास गरेकै स्थानबाट आफ्नो विवरण लेखाऔं,' भन्ने नाराका साथ जनगणना प्रक्रिया अघि बढाइएको छ ।
अघिल्लो तथ्यांकअनुसार देशभर ४२ लाख ५३ हजार दुई सय २० घरधुरी थिए । १ सय १ जाति र ९२ भाषा सूचीकृत भएका थिए । जातजातिको तथ्यांक राख्न पछिल्लो जनगणनाबाटै सुरु गरिएको हो । सुपरिवेक्षकले जेठ १ देखि १८ गतेभित्र प्रत्येक घरदैलोमा पुगेर घर-परिवारको लगत लिनेछन् । जेठ २४ गतेबाट प्राथमिक तहका ३४ हजार शिक्षक-शिक्षिकालाई गणकका रूपमा खटाइनेछ
कांतिपुर
Kathmandu Time
