अस्ट्रेलिया हरेक विषय अध्ययनका निम्ति विश्वभरिका विद्यार्थीको गन्तव्य बन्दै आएको छ । त्यहाँ नेपाली विद्यार्थीको रोजाइ नर्सिङ, एकाउन्टिङ, बिजिनेसलगायत पर्छन् । प्राविधिक विषयका रूपमा कुकरी, बेकरी, हेयर ड्रेसर, हर्टिकल्चर -बगैंचा, फूलबारी सजावट आदि), कम्युनिटी वेलफेयर, सोसियल/डिजाबिलिटी वर्क, डेन्टल टेक्नोलोजी छन् । यसैगरी अटोमोटिभ, अटोमोबाइल, अप्टिकल टेक्नोलोजी, फर्निचर टेक्नोलोजी पनि हुन् । स्वदेशमा प्लसटु सकेपछि रोजिने विषयमा पर्छन् । सूचना प्रविधि र स्वास्थ्यसँग सम्बन्धित विषयका अतिरिक्त एमबीए, एपीए -मास्टर्स इन प्रोफेसनल एकाउन्टिङ) पनि हुन् ।
यो कंगारुको देशमा करिब ३० हजार नेपाली अध्ययनरत छन् । तीमध्ये धेरैजसो सिड्नी, मेलबर्न, बि्रसबेन, एडिलेड, पर्थ, क्यानबेरा, डार्बिनमा छन् । जसले धेरै अध्ययन गर्न सक्छ उसका निम्ति अस्ट्रेलिया सहज छ ।
'अस्ट्रेलिया विकसित मुलुक
हो । यहाँको शिक्षा गुणस्तरीय र आधुनिक छ,' शैक्षिक परामर्श संघ, नेपाल -इक्यान)का सचिव प्रकाश पाण्डे भन्छन्, 'प्रविधिमा आधारित मात्र होइन व्यावहारिक पनि छ ।' अमेरिका, बेलायतको दाँजोमा अस्ट्रेलियाको शिक्षा सस्तो पनि छ ।
विद्यार्थीले कानुनी रूपमा पढाइको समयमा पनि साताको २० घन्टा काम गर्न पाउँछन् । बिदाको समयमा कुनै रोकटोक हुन्न । पारिश्रमिक प्रतिघन्टा कम्तीमा १५ र बढीमा २५ अस्ट्रेलियन डलर पाउने पाण्डे बताउँछन् । पढिसकेपछि नियम पूरा गर्दा उतै बसोबास गर्न चाहनेले वर्किङ भिसा पाउँछन् भने त्यतै स्थायी बसोबासका निम्ति माइगे्रसन हुन पनि सक्छन् ।
त्यहाँ नेपालीकै पनि आधा दर्जन कलेज छन् । एमआईटी
-मेलबर्न इन्स्िटच्युट अफ टेक्नोलोजी), गुर्खाज इन्स्िटच्युट, क्विन्सफोर्ड कलेजलगायतका संस्था अन्तर्राष्ट्रिय सुविधा सम्पन्न छन् ।
प्लसटुपछि अस्ट्रेलिया जानेको संख्या बढी छ । त्यस्तालाई त्यहाँ गएर एक या दुई वर्षको डिप्लोमा कोर्स पूरा गरेपछि युनिभर्सिटी पढ्ने बाटो खुल्छ । नेपालमै व्यवस्थापनमा तीनवर्षे स्नातक हासिल गरेको भए सीधै मास्टर्स गर्न पनि सक्छ । नत्र अन्य विषयमा चारवर्षे स्नातक सकेका विद्यार्थीलाई मात्र युनिभर्सिटीमा प्रवेश पाउँछन् ।
अस्ट्रेलियाको बि्रसबेनस्थित क्विन्सफोर्ड कलेजका निर्देशक रूपेश पाठकका अनुसार कानुनी रूपमा बसेका विद्यार्थीलाई जीवन सहज छ । भविष्य निर्माणका निम्ति अवसर छान्ने बाटो खुल्ला छ । कतै कुनै कलेज बन्द भएको अवस्थामा राज्यले त्यसको दायित्व लिन्छ । विद्यार्थीलाई बिचल्ली हुनअघि नै अर्को कलेजमा व्यवस्था मिलाइदिन्छ ।
अस्ट्रेलियन दूूतावासमार्फत छात्रवृत्ति सीमितले मात्र पाउँछन् । अनलाइन आवेदनका आधार एएलए -अस्ट्रेलियन लिडरसिप अवार्ड) र इन्डिभोर अवार्ड पाउन सक्छन् । सन् २००९/१० मा करिब १२ सय विद्यार्थी अस्ट्रेलिया गएका छन् । अघिल्लो जुलाईदेखि गत जुनसम्ममा २२ जना नेपालीले उक्त छात्रवृत्ति पाएका छन्, जसले पढाइ शुल्क, खानेबस्ने सुविधा पाएका छन् । आफ्नै पहलमा जाने विद्यार्थीले आफूले देखाएको क्षमताका आधारमा आंशिक रूपमा मात्र छात्रवृत्ति पाएका छन् ।
अस्ट्रेलिया अध्ययनका निम्ति कम्तीमा ७ लाखदेखि १३ लाख रुपैयाँ खर्च लाग्छ । यो रकम ६ महिनाको कलेज शुल्क, २ हजार अमेरिकी डलरको ट्राभल चेक, हवाई टिकट, सामान्य किनमेल र भिसा शुल्कको निम्ति हुनेछ ।
उत्कृष्ट दस विश्वविद्यालय
१. अस्ट्रेलियन नेसनल युनिभर्सिटी
२. युनिभर्सिटी अफ मेलबर्न
३. युनिभर्सिटी अफ सिड्नी
४. युनिभर्सिटी अफ क्विन्सल्यान्ड
५. युनिभर्सिटी अफ बेस्टर्न अस्ट्रेलिया
६. मोनास युनिभर्सिटी
७. युनिभर्सिटी अफ न्यू साउथ वेल्स
८. म्याक्बेरी युनिभर्सिटी
९. युनिभर्सिटी अफ एडिलेड
१०.फि्लन्डर्स युनिभर्सिटी
गणेश राई
साभार : कांतिपुर दैनिक
Kathmandu Time
