anubhav

Showing posts with label IT. Show all posts

यो वर्ष के के आउँदैछ?

नयाँ वर्षसँगै नयाँ अपेक्षा जोडिएर आउँछन्। सन् २०१२ मा प्रविधिमा के के नयाँ उत्पादन आशा गरिएका छन् त?
आइप्याड मिनी
अमेजनले २ सय डलर मै पाइने ट्याब्लेट किन्डल फायर सार्वजनिक गरेर लोकप्रियता कमाएपछि एप्पलले पनि प्रतिस्पर्धामा उत्रन आइप्याडलाई परिवर्तित स्वरुपमा ल्याउने अनुमान गरिएको छ। आधिकारिक रुपमा केही सार्वजनिक नभए पनि सानो खालको संभवतः ७ इञ्चको आइप्याड २ सय ९९ डलरमा बेच्ने गाइँगुँइ सुनिएको छ। यो मिनी आइप्याडको क्षमता १६ जीबी हुने अनुमान छ।
अल्ट्राबुक
ल्यापटपको विकल्पमा नेटबुक र आएको हो। यो वर्ष नेटबुकको विकल्पका रुपमा अल्ट्राबुक आउने आशा गरिएको छ। यो पातलो र हलुका भएकोले बोकेर हिँड्न सजिलो हुनेछ। ५ देखि ८ घण्टासम्म ब्याट्री थाम्ने भएकोले नेपाल जस्तो लोडसेडिङपीडित देशहरुका लागि पनि यो उपयोगी साबित हुनेछ। अहिले यस्ता अल्ट्राबुकहरु अन्तर्राष्ट्रिय बजारमा ८ सय डलर घटीमा पाइन्न। यो वर्ष क्षमता उही भए पनि मूल्य कम भएका अल्ट्राबुकहरु बजारमा आउने आशा गरिएको छ।
नयाँ म्याकबुक एअर
म्याक बुक प्रो र एअरको नयाँ डिजाइन आउने हल्ला पविधि क्षेत्रमा छ। म्याकबुक एअर अहिले नै सबैभन्दा पातलो ल्यापटप हो। योभन्दा पातलो डिजाइन आउने हो कि हैन, विज्ञहरु नै अन्यौलमा छन्।
किन्डल फायर टु
समीक्षकहरुले त्यति राम्रो नभने पनि अमेजनको किन्डल फायर निकै हिट साबित भयो। एप्पलको आइप्याड बजारमा ठूलै असर नपारे पनि यसले उसलाई एक पटक सोच्न भने बाध्य बनायो। अब किन्डल फायरको दोस्रो संस्करणले आइप्याडलाई अझै चुनौति दिने आशा यो वर्ष गरिएको छ। अमेजनले १० इञ्चको ट्याब्लेट सस्तोमा बजारमा ल्याउने आशा प्रविधि क्षेत्रमा गरिएको छ।

सन् २०११ मा प्रविधि क्षेत्रको विश्वकै एक महान् आविष्कारको निधन भयो । साइबर–सुरक्षाका लागि कम्पनीहरूलाई अर्बौ डलर खर्च गर्नुप¥यो । यस्तै, विद्युतीय र वेब प्रवृत्तिले नयाँ औजार प्रदान गर्नुका साथै नयाँ चुनौतीहरू पनि सिर्जना ग¥यो । विश्वभर आन्दोलन चर्काउन फेसबुकजस्तो सामाजिक संजालको व्यापक प्रयोग भयो ।
यो वर्ष नै स्मार्टफोन र ट्याबलेट कम्प्युटरको अत्यधिक बिक्री विस्तार भयो । ह्यलेट–प्याकर्ड (एचपी) को मोबाइल रणनीतिको सुरुवात, मोटरोलाका लागि गुुगलको योजना, इन्टेलको थ्री–डी सिलिकन ट्रान्जिटर्स र मोबाइल भुक्तानी प्रणालीलगायतको आविष्कार पनि यहीँ वर्ष भयो । तर, कतिपय प्राविधिक घटनाक्रमहरू ठूला बजारमा प्रभाव जमाउन नसकेकाले चर्चाको विषय बन्न सकेनन् । यहाँ सन् २०११ मा प्रविधि जगत्मा घटेका सर्वाधिक ठूला घटनाक्रमहरूबारे संक्षेप्त चर्चा गरिएको छ, जसको प्रभाव सयौं वर्षसम्म पनि जीवन्त रहिरहने अपेक्षा छ ः
१. स्टिभ जब्सको मृत्यु ः एप्पल इंकलाई मध्यम–वर्गीय तहबाट विश्वकै सर्वाधिक मूल्यवान प्रविधि कम्पनीको स्थानसम्म पु¥याउने शक्तिशाली तथा सम्मानित यसका सह–संस्थापक स्टिभ जब्सको निधन भयो । लामो समयदेखि क्यान्सर रोगले पीडित रहँदै आएका जब्सले अन्ततोगत्वा गत अक्टोबर ५ तारिखका दिन यो संसार छाडे ।
उनको निधनपश्चात् विश्वभर रहेका एप्पल स्टोरहरूमा हजारौं संख्यामा सर्वसाधारणहरू उनको श्रद्धाञ्जलीमा सहभागी बनेको देख्न सकिन्थ्यो । पर्सनल कम्प्युटर उद्योगको सिर्जना गर्ने श्रेय मूलतः जब्सलाई नै जान्छ । उनकै नेतृत्वमा विश्व प्रविधि जगत्का अत्यन्त लोकप्रिय डिभाइसहरू ः आइम्याक, आइपड, आइफोन र आइप्याडको उत्पादन सम्भव भयो ।
तीव्र–गतिमा विस्तार भइरहेको प्रविधि उद्योग जब्सको निधनले केही समयका लागि भए पनि स्तब्ध बन्यो र विश्वका व्यावसायिक एवं अन्य नेतृत्वकर्ताहरूले उनको प्रभावबारे सार्वजनिक रूपमा बहस गर्न थाले ।

अस्ताए एप्पलका स्टिभ जब्स

-आशिष लुइँटेल

प्रविधि आकाशमा बुधबार साँझ एउटा दुःखद क्षण आयो, एप्पलका सहसंस्थापक तथा अध्यक्ष स्टिभ जब्स यो संसारबाट बिदा भए । उनी ५६ वर्षका थिए । एप्पल विश्वकै सबैभन्दा धनी प्रविधि उत्पादक कम्पनी हो ।
जब्स प्यान्त्रिmयाटिक क्यान्सर पीडित थिए । यही रोगका कारण सन् २००४ मा उनी हस्पिटल भर्ना भएका थिए । डाक्टरको प्रत्यक्ष निगरानीमा उनी कम्पनीको काम गर्दै आएका थिए । दुई वर्षअघि उनको कलेजो प्रत्यारोपण गरिएको थियो । गत जनवरीदेखि उनी पूर्णतः अस्पतालमै भर्ना भएका थिए । त्यसको दुई महिनापछि गत मार्चमा उनले संसारलाई चकित पार्दै कम्पनीको नयाँ प्रविधि आइप्याड टु घोषणा गर्न आएका थिए । 'म उपचारकै क्रममा छु,' घोषणा कार्यक्रममा उनले भनेका थिए, 'आफ्नै कन्सेप्टमा बनाइएको यो (आइप्याड टु) बारे जानकारी दिन नआइबस्न सकिनँ ।' त्यसपछि गत जुनमा उनी सार्वजनिक कार्यक्रममा झुल्किए, अनलाइन स्टोरको नौलो आयाम आइक्लाउड घोषणा गर्न । यो नै उनको अन्तिम सार्वजनिक उपस्थिति रह्यो ।

कार्यालयमा फेसबुक चल्दैन ? टि्वटर र फेसबुकको मज्जा एउटै साइटबाट लिन मन छ ? यस्तो हो भने अब तपाईका लागि एक नेपाली विद्यार्थीले बनाएको वेबसाइट उपयोगी हुन सक्छ । कान्तिपुर इन्जिनियरिङ कलेजका विद्यार्थी २१ बर्षे सुनिल चापागाईले फेसबुक र टि्वटरको विषेशतासहितको सामाजिक सञ्जाल मेरोपोस्टडटकम सार्वजनिक गरेका छन् । जसमा तीबाहेकका विषेशता समेत समेटिएका छन् ।
'नेपाली सामाजिक सञ्जाल प्रयोगकर्तालाई ध्यान दिएर यो साइट निर्माण गरेको हुँ,' चापागाईले भने । उनले एक वर्ष लामो प्रयासपछि यो साइट तयार गरेका हुन् । साथीहरूलाई फलो गर्नेलगायत टि्वटरको विषेशता भएको यो साइटमा फेसबुकको जस्तो च्याट सुविधा छ ।
अझ यसको रमाइलो कुरा भने प्रयोगकर्तालेे चाहनाअनुसार आफ्नो वाललाई सजाउन सक्छन् । 'प्रयोगकर्ताले अरूभन्दा भिन्दै बनाएर वाल सजाउन सक्छन्,' उनले भने, 'रङ र फोटो कुन बनाउने भन्ने कुरामा प्रयोगकर्ता आफैंले छान्न सक्छन् ।' यसमा सोझै नेपाली युनिकोडमा स्टाटस लेख्न सक्ने सुविधा पनि छ । 'स्टाटस लेख्ने ठाउँमा रहेको नेपाली युनिकोड लेख्ने सुविधामा क्लिक गरेर स्टाटस नेपालीबाट लेख्न सकिन्छ,' उनले भने ।

म्याग्दी- इन्टरनेट प्रविधिको दुनियाँमा पछिल्लोपटक भित्रिएको रोमाञ्चकारी प्रविधि हो, वायरलेस नेटवर्किङ । १० वर्षअघि महावीर पुनको अगुवाइमा जिल्लाको उत्तर-पूर्वी डाँडो महरेमा ७५ किमि परको पोखराबाट ताररहित इन्टरनेट दुर्गम बस्ती छिरेको थियो ।

सूचना र सञ्चारको माध्यमबाट ग्रामीण जीवनमा सामाजिक र आर्थिक रूपान्तरण गर्ने लक्ष्यसहित सञ्चालन गरिएको ताररहित इन्टरनेट सञ्जाल महावीरको नेतृत्वमा १३ जिल्लामा विस्तार भएको छ । म्याग्दी जिल्लाका २४ गाविसका ४० बढी विद्यालयमा सञ्जाल फैलिएको छ । सन् २००१ मा बीबीसीमा महावीरको इमेल वार्ता प्रकाशित भएपछि सुरु भएको हो, हिमाली बस्तीमा ताररहित इन्टरनेट अभ्यास । र यो प्रविधिलाई दुर्गम बस्तीमा भित्र्याउन बेल्जियमका जोहाज र फिनल्यान्डका जोनीको योगदान महत्त्वपूर्ण छ । पुनको इमेल वार्तालाप पढेपछि यी विदेशी तन्नेरीहरूमध्ये फिनल्यान्डका जोनीले वायरलेस नेटवर्क कार्डलाई पहिलोपटक नागी ल्याई अभ्यास गरेका थिए । जुन लामो अभ्यासपछि सफलता मिल्यो । उनले नै नेपाल वायरलेस नेटवर्कको वेभसाइट सञ्चालनमा आर्थिक सहयोगसमेत गरे ।

सिलिकनका सिपालु: आईटी सिटीमा प्रसिद्धि कमाउँदै नेपाली

उनले उच्च शिक्षा भारतमा लिए र भविष्य पनि यतै बनाउने अठोट गरे। अहिले एसियाको सिलिकन भ्याली भनेर चिनिने बैङ्लोरमा सूचना तथा प्रविधिकने एउटा कम्पनी चलाइरहेका छन्, जो सामाजिक सञ्चार र प्रविधिमा दिनप्रतिदिन प्रगति गररिहेको छ। भूपेन्द्र खनाल, जो इनरेभ सिस्टम नामक त्यस कम्पनीका प्रमुख कार्यकार िअधिकृत हुन्, सहितका सञ्चालकहरूले कम्पनी स्थापनायता पछाडि फर्केर हेर्नुपरेको छैन।
यो कम्पनीले सामाजिक सञ्जालमै आफ्नो भविष्य देखेको छ र उनीहरूलेे 'सिम्प्िलफाई-३६०' जस्तो विश्वस्तरीय सफ्टवेयर निर्माण गरेका छन्। सिम्प्िलफाई-३६० यस्तो सप्mटवेयर हो, जसले सामाजिक सञ्जालमा भइरहेका कुरालाई एकै ठाउँमा ल्याएर डाटा विश्लेषण गर्छ र कुनै पनि व्यापारकि प्रतिष्ठानको नीति निर्माणमा मद्दत पुर्‍याउँछ। "हामीले जुन हिसाबले काम सुरु गरेका थियौँ, त्यसभन्दा धेरै अगाडि आइसकेका छौँ," इनरेभ सिस्टमका प्रमुख कार्यकारी अधिकृत खनाल भन्छन्, "सिम्प्िलफाई-३६० अब छिट्टै विश्वबजारमा पुग्दैछ। यसले हामीलाई सिंगो संसारसँग जोड्ने छ।"

अब नेपालमै टेलिकम फेसबुक चौतारी

फेसबुक र ट्विटरजस्ता इन्टरनेट सामाजिक सञ्जाल संसारभरि लोकप्रिय भइरहेका बेला त्यस्तै नेपाल टेलिकमले नेपाली साइट तयार भएको छ। ‘चौतारी’ नाम दिइएको सञ्जाल नेपाल टेलिकमले आन्तरिक परीक्षण गरिरहेको छ।
फेसबुक, ट्विटर, माइस्पेसजस्ता साइटको सर्बर अमेरिकामा रहे पनि चौतारीको नेपालमै राखिएको छ।
http://chautari.ntc.net.np ठेगाना रहेको यो साइटमा फेसबुकका सबै सुविधा उपलब्ध हुनेछन्। साथी बनाउने, च्याट रुम, ग्रुप बनाउने, फोटो सेयर गर्नेमात्र होइन, चौतारीबाट नेपाल टेलिकमका मोबाइल ग्राहकले निःशुल्क एसएमएस आदानप्रदान गर्न पाउनेछन्।

ुचौतारीमा सदस्य बनेपछि दैनिक १० वटा मोबाइल एसएमएस निःशुल्क पठाउने सुविधा राखिएको छ।
सुरुमा १० लाख सदस्य अटाउन सक्ने गरी यसको क्षमता बनाइएको छ। आवश्यकताअनुसार क्षमता बढाउँदै लैजाने योजनामा टेलिकम छ।
फेसबुक अहिले नेपालमा सबैभन्दा बढी हेरिने साइट हो। यस सञ्जालले टेलिकमको इन्टरनेट ब्यान्डविथ खपत ह्वात्तै बढाएपछि नेपालभित्रै सर्बर राखेर चौतारी बनाइएको हो।
फेसबुकलगायत साइट खोल्न पहिले अमेरिकामा रहेको फेसबुक सर्बर पुग्नुपर्छ। यो बाध्यताले डलरसमेत बाहिरिने गरेको छ।

फेसबुक प्रयोगकर्ता ७५ करोड

विश्वकै लोकप्रिय सामाजिक सञ्जाल वेबसाइट फेसबुक आफ्नो प्रयोगकर्ता वृद्धिप्रति चुप बसेको थियो, तर चुप बस्ने त्यो धैर्यता हटेको छ ।
केही साताअघि मात्र अमेरिकालगाायत विश्वका अन्य केही राष्ट्रहरूमा फेसबुक प्रयोगकर्ता घट्न थालेको हल्ला चलेको थियो, तर त्यो हल्लाले वास्तविकता सावित हुन सकेन, किनभने विश्वभर प्रयोगकर्ता संख्या बढ्ने क्रम जारी छ । अहिले प्रयोगकर्ता संख्या ७५ करोड पुगेको फेसबुकका प्रमुख कार्यकारी अधिकृत मार्क जकरबर्गले बुधबार बताएका छन् ।
फेसबुकमा दैनिक अर्बौंै संख्यामा सूचना राखिँदै आएको छ । यसरी विश्वभर दैनिक तीव्र गतिमा उच्च बन्दै गएको फेसबुक प्रयोगकर्ता संख्या छिट्टै १ अर्ब पुग्ने देखिएको छ । १ वर्ष पहिले फेसबुक प्रयोगकर्ता संख्या ५० करोड पुगेको थियो ।
अमेरिकामा फेसबुक विश्वकै लोकप्रिय सर्च कम्पनी गुगलपछि दोस्रो ठूलो इन्टरेनेट ब्रान्डको स्थानमा उभिएको छ । अमेरिकाको कुल ३ करोड ७० लाख जनसंख्यामध्ये झन्डै २४ करोडले इन्टरेनट प्रयोग गर्छन् ।

माइक्रोसफ्ट अफिस २०१० नेपालीमा

अब कम्प्युटर चलाउन अंग्रेजी भाषा जान्नैपर्छ भन्ने छैन। माइक्रोसफ्टले एक वर्ष अघिमात्र सार्वजनिक गरेको 'अफिस २०१०' लाई नेपालीकरण गरिएको छ। अघि एक्सपी, भिस्टा, अफिस सेभेनलाई नेपालीकरण गर्न खटिएको टिमले अफिस २०१० लाई पनि नेपालीकरण गर्ने काममा सफलता पाएको छ। 'झन्डै एक वर्षको लगातार प्रयासपछि हामीले यो सफलता पाएका हौं,' सफ्टवेयर स्थानीयकरण विभागका मेनेजर प्रदीप न्यौपानेले भने।

गुगलले ल्यायो, फेसबुक किलर गुगलप्लस Google+

हिजो देखि केही व्यक्तिहरुलाई गुगल ले ‘टेस्टिङ’ गर्न को लागि गुगल प्लस दिएको छ । अन्य का हकमा भने, गुगल प्लस को “एकाउन्ट” बिस्तारै पछि दिइने कुरा गुगल ले जनाएको छ । गुगल प्लस को आगमन सँगै गुगल ले आफ्ना सबै पेजहरुको ‘नेभिगेसन’ बारको रङ्गलाई पनि परिवर्तन गरेको छ । अब गुगल का सबैपेज को माथि ‘कालो रङ्’ को नेभिगेसन बार देखिने छ ।
सर्च जायन्ट गुगल ले, ‘सोसल नेटवर्क’मा एकपटक आफ्नो भाग्य फेरि परिक्षण गर्दैछ । गोप्य राखिएको प्रोजेक्ट ‘गुगल प्लस’लाई हिजो गुगल ले सार्वजनिक गरेको छ ।
बज, वेभ आदि को असफलताबाट पाठ सिक्दै गुगल ले फेरि एकपटक ‘सोसल नेटवर्क’ मा आफ्नो अस्तित्व खोज्दैछ । अनि यसपटक, गुगल, ‘गुगल प्लस’ मार्फत ‘सोसल नेटवर्क’ मा आफ्नो उपस्थिति जनाउन खोज्दैछ ।

Microsoft Sustainability : Productivity, Future Vision

The incredible presentation of future technologies in 2019, according to Microsoft. Think about all of touch screen computers in real world. Can you imagine it? Sometimes I though, but different way in video. This shows you. You can see it how comfortable in everyday lifes. ..... Give many of visions. Amazing things.
Nice presentation.

आधा नेपालीको पहुँचमा दूरसञ्चार सेवा

सूचना तथा सञ्चार प्रविधिले ल्याएको क्रान्तिको सदुपयोग गर्न नेपाली जनता पनि पछि परेका छैनन्। नेपाल दूरसञ्चार प्राधिकरणको प्रतिवे दनले यो तथ्यांक देखाउँछ। प्राधिकरणले पछिल्लो पटक सार्वजनिक गरेको प्रतिवेदनमा ४१ दशमलव ५१ प्रतिशत जनतामा दूरसञ्चार सेवा पुगेको छ। यो आँकडा टेलि घनत्वका आधारमा तयार पारिएको हो। ताप्लेजुङदेखि दार्चुलासम्मका नेपालीहरूको हातमा मोबाइल फोन देखिन्छ। उनीहरू कम्युनिकेसनका लागि दूरसञ्चारको उपयोग गर्न उत्तिकै अभ्यस्त देखिनुले पनि दूरसञ्चारको क्षेत्रमा नेपालले नयाँ क्रान्ति नै गरेको छ भन्दा फरक पर्दैन।

ताररहित मोबाइल सेवा प्रयोगमा आएपछि र यसको व्यापक विस्तार भएपछि दूरसञ्चार सर्वसाधारण जनताको पहुँचमा सेवा पुगेको हो। फागुनमा सार्वजनिक गरिएको उक्त प्रतिवेदनले ४१ दशमलव ५१ प्रतिशतको तथ्यांक देखाए पनि हालसम्म करिब ४५ प्रतिशत जनतामा दूरसञ्चार पुगिसकेको विज्ञहरू बताउँछन्।

बेरोजगारी समस्याले समग्र मुलुकको अर्थतन्त्रमा ठूलो भार पारिरहेका बेला स्वरोगारका निम्ति आईटी (सूचना प्रविधि) क्रान्तिको अभियान छेड्नु स्वागतयोग्य छ । ‘स्वरोजगारका लागि आईटी क्रान्ति’ र आईटी क्रान्तिमार्फत आर्थिक समृद्धि मुलुकको सपना देखेका छन् आईटीसम्बन्धी नयाँ पुस्ताले ।
व्याप्त बेरोजगारीबाट घरेलु दक्ष जनशक्ति पलायन हुन नदिन र आईटी क्षेत्रबाट स्वदेशमै रोजगारी सिर्जना गर्ने उद्देश्यले त्रिभुवन विश्वविद्यालय (टियु) अन्तर्गत केन्द्रीय आईटी विभागका विद्यार्थीहरूले ‘स्वरोजगारका निम्ति आईटी क्रान्ति’ नामक अभियान छेडेका हुन् । उनीहरूले आईटीसँग सम्बन्धित सरकारी तथा गैरसरकारी विज्ञ, सरोकारवाला तथा विद्यार्थीहरूलाई सो अभियानमा जोड दिन आग्रह गरेका छन् ।

एनिमेसनः निर्जीवमा आत्मा भर्ने कला

‘एनिमेसन’ भन्ने शब्द आजकाल अलि धेरै नै प्रचलनमा आउन थालेको छ । कुनै पनि
वस्तु तथा घटना जसलाई अन्य कुनै पनि तरिका वा नाटकीय रूपान्तरअनुसार
चलदृश्यमा प्रस्तुत गर्न सकिँदैन त्यस्तो अवस्थामा नयाँ प्रविधिको तरिका अर्थात् ‘एनिमेसन’ को प्रयोग आजकाल गर्ने गरिएको पाइन्छ । एनिमेसन भनेको निर्जीव वस्तुलाई चाल अर्थात् गति प्रदान गर्ने नयाँ प्रयोग हो ।
कुनै पनि ‘भर्चुअल’, अवास्तविक वा निर्जीव काल्पनिक दुई वा त्योभन्दा धेरै आयामका वस्तुहरूको तीव्र रूपमा प्रदर्शन गरी एक प्रकारको भ्रमपूर्ण गति पैदा गर्नु भनेको ‘एनिमेसन’ हो । सूचनाको प्रचार–प्रसार गर्न, उत्पादनको बजारीकरण गर्न, बहुआयामिक चित्रमार्फत विभिन्न विषयमा जानकारी प्रदान गर्न, शैक्षिक औजार र अन्य विभिन्न प्रयोजनमा ‘एनिमेसन’ को प्रयोग गरिने भए पनि चलचित्र र टेलिभिजन जस्ता आमसञ्चारको माध्यममा प्रयोग गर्नका लागि यो ‘एनिमेसन’ विधि ज्यादा प्रयोग र प्रभावकारी हुने गरेको छ । यो विधिले अन्य कुनै पनि तरिकाबाट असम्भव हुने प्रस्तुतिलाई पनि सम्भव र जस्ताको तस्तै प्रस्तुत पनि गर्न सक्छ ।

अब खल्तीमा मोबाइल मात्र होइन, पि्रन्टर पनि बोक्न सकिने भएको छ। नेपाली बजारमा पहिलोपटक यस्तो मोबाइल पि्रन्टर भित्रिएको हो। जापानमा निर्मित ब्रदर ब्रान्डको यो पि्रन्टर क्यालकुलेटर आकारको छ। यस पि्रन्टरको प्रयोग गर्दा कम्प्युटरको आवश्यकता पर्दैन। सीधै मोबाइल र क्यामराबाट समेत पि्रन्ट गर्न सकिन्छ। आवश्यक पर्दा ल्यापटप वा कम्प्युटर भने जोड्न सकिन्छ। यसको विशेषता भनेको यो ब्याट्रीबाट पनि चल्छ।
नेपालका लागि ब्रदर ब्रान्डको आधिकारकि बिक्रेता सागर इन्फोसिसले यस पि्रन्टरको बिक्री गररिहेको छ। ब्रदर ब्रान्डका पिजे ५२३, पिजे ५६२, पिजे ५६३, एमडब्ल्यू १४५ बीटी र एमडब्ल्यू २६० मोडेलहरू उपलब्ध छन्। यसको मूल्य ६० देखि ७० हजार पर्छ। छोटो समयमै यसले लोकपि्रयता पाएको बताउँछन्, सागर इन्फोसिसका प्रमुख कार्यकारी अधिकृत सागरदेव लाखे। "सबैभन्दा सानो र नेपाली बजारमा उपलब्ध पि्रन्टरमध्ये आधुनिक हो," उनी भन्छन्।

लुम्बिनीमा थ्रिजी मोबाइल सञ्चालन

नेपाल टेलिकमले लुम्बिनीमा बुधबारदेखि थ्रिजी मोबाइल सेवा सञ्चालन गरेको छ । टेलिकमको पश्चिमाञ्चल क्षेत्रीय कार्यालय भैरहवाले थ्रिजी फोन सञ्चालनका लागि आवश्यक सम्पूर्ण उपकरण जडान गरेपछि सेवा सुरु भएको हो ।

अन्तर्राष्ट्रिय महत्व बोकेको पर्यटकीयस्थल लुम्बिनीमा विदेशी पर्यटकको बाक्लो चहलपहल हुने भएकाले थ्रिजी सेवा सुरु गरिएको टेलिकमले जनाएको छ । “यस क्षेत्रमा भारतीय र स्वदेशी पर्यटकको अत्यधिक आगमन हुने भएकाले यो सेवा सुरु गरेका हौं,” क्षेत्रीय निर्देशनालयका निर्देशक बाबुकाजी शाक्यले भने, “यसले नेपाल पर्यटन वर्षमा लुम्बिनी आउने सबै पर्यटकलाई सेवा दिनेछ ।”
टेलिकमले लुम्बिनीमा व्यावसायिक रूपमा भने थ्रिजी सुरु गरेको छैन । भ्रमणमा आउने पर्यटकलाई लक्षित गरेर मात्र सेवा शुभारम्भ गरिएको कार्यालयले जनाएको छ । थ्रिजी सिम पनि तत्काल वितरण नहुने शाक्यले बताए । “छिट्टै सिम वितरण गर्ने योजना छ तर समय तोक्न सकिन्न,” उनले भने । थ्रिजी सेवा लिइरहेका पर्यटकले भने यो सेवा पाउनेछन् ।
प्रारम्भमा मायादेवी मन्दिरको सेरोफेरोमा बीटीएस र अन्य उपकरण जडान गरी सेवा सञ्चालन गरिएको र छिट्टै अर्को स्थानमा थ्रिजीका आवश्यक उपकरण र बीटीएस जडान गरिने शाक्यले बताए । थ्रिजी सेवा सञ्चालन भएपछि पर्यटकलाई थप सुविधा हुने र लुम्बिनीको प्रचार–प्रसारमा सहयोगी हुने लुम्बिनी विकास कोषका सूचना अधिकृत हरि राईले बताए ।

टेलिकमले छिट्टै पूर्वाधार खडा गरी भैरहवा र बुटवलमा समेत यो सेवा सञ्चालनको तयारी गरिरहेको जनाएको छ । थ्रिजीमा उच्च गतिको इन्टरनेट हुने भएकाले टेलिभिजन हेर्ने, भिडियो तथा फोटो पठाउने, फेस टु फेस कुराकानी गर्नेलगायतका धेरै सुविधा हुन्छन् । यसअघि टेलिकमले काठमाडौं उपत्यका र पोखरामा यो सेवा सुरु गरिसकेको छ ।

प्रतिपदार्थ अर्थात एन्टिम्याटरको निर्माणस्वीट्जरल्यान्डस्थित सेर्न प्रयोगशालाका वैज्ञानिकहरूले नोभेम्बरको मध्यतिर सनसनीपुर्ण नयाँ समाचार दिए । उनीहरूले ज्ञात पदार्थको विलोम जनाउने प्रतिपदार्थ अर्थात एन्टिम्याटर निर्माण गर्न सफल भएको बताएका थिए । वैज्ञानिकहरूका अनुसार प्रतिपदार्थ हाम्रो भौतिक जगत्को कुनै परमाणु दर्पणमा बनेको प्रतिछवि समान हो । पदार्थ तथा प्रतिपदार्थ आपसमा मिल्नेबित्तिकै एक-अर्कालाई तुरुन्त नष्ट गर्न सक्छन् । प्रतिपदार्थको हरेक परमाणु तीन मुख्य कण इलेक्ट्रोन, प्रोटोन र न्युट्रोनबाट निर्मित छ, तर यसमा न्युट्रोनलाई छोडेर बााकी दुईको विद्युतीय आवेश ठीक विपरित हुन्छ अर्थात् इलेक्ट्रोन धनात्मक तथा प्रोटोन ऋणात्मक हुने भएकाले नै यसलाई एन्टिम्याटर भनिएको हो ।

एन्टी हाइड्रोजनको ३९ परमाणु विकास

सेर्न प्रयोगशालामा प्रतिपरमाणु निर्माणकै क्रममा एन्टी हाइड्रोजनका ३८ परमाणु विकास गर्न पनि वैज्ञानिकहरू सफल भए । अल्फा नाम दिइएको प्रतिपरमाणु मिसनमा प्राप्त भएको यो सफलतालाई विज्ञानको क्षेत्रमा चमत्कारिक उपलब्धि मानिएको छ । जेफ्री हैंग्स्टका अनुसार एक्सीलेटरमा कपरको एकातिर प्रोटोनको अत्यन्त तेज गतिमार्फ त यसलाई पैदा गर्न सकिन्छ ।