Showing posts with label Miscellaneous. Show all posts

रेस्टुराँमा राष्ट्रियता

-रमण घिमिरे
रेस्टुराँ सबैले चलाएका छन् । काठमाडौँ उपत्यकामा मात्र सयौँ रेस्टुराँ छन् । हरेकमा आ-आफ्नै स्वादका परकिार पस्िकइन्छ । तर, १७ वर्षदेखि सञ्चालित रामजी अवालको सुजल क्याफे एन्ड सोफा रेस्टुराँचाहिँ अरूभन्दा फरक छ । अवाल रेस्टुराँका मीठा परकिारहरूमा मिसाएर नेपाललाई चिनाउन चाहन्छन् । उनको नेपाल चिनाउने शैली हो, नेपाली तस्िबर ।

अवालको रेस्टुराँमा पहिलोचोटि पस्ने ग्राहकलाई मेनुका परकिारले होइन, भित्तामा लहरै टाँगिएका तस्िबरहरूले आकषिर्त गर्छन् । त्रिपुरेश्वरको नेपाल आँखा अस्पतालसँगै रहेको यस रेस्टुराँले जिज्ञासु दृष्टिहरूलाई बाहिरैबाट तान्छ । यसको छानोमा फर्फराइरहेको १५ फिटे झन्डाले भन्छ, राष्ट्रियता नेता र मन्त्रीका भाषणमा भन्दा कैयौँ गुणा बढी अवालको छातीमा स्पन्दित भइरहेको छ । त्यति मात्रै होइन, उनले लगाउने हरेक टिसर्टमा नेपाली झन्डा नै अंकित हुन्छ । यिनी जुनसुकै औपचारकि कार्यक्रममा जाँदा पनि राष्ट्रियताका लागि दौरा-सुरुवाल र ढाका टोपीमा सजिएर मात्र जान्छन् । अवाल भन्छन्, "यो मैले फेसनका लागि लगाएको होइन ।"

फेसनकै लागि मात्र भए उनले आफ्नो यस रेस्टुराँमा उनकै दाबीमा ५० लाख रुपियाँका तस्िबरहरू झुन्ड्याउने थिएनन् । नेपालका पहाड, हिमाल र तराई हेरेर यिनी कुनै बेला हाँस्थे, 'आहा ! मेरो देश कति सुन्दर छ' भनेर । तर, अहिले कहिलेकाहीँ दिनभरकिो व्यस्तताले थाकेर लमतन्न ओछ्यानमा पल्टेर जब यही देशलाई सोच्छन् अनि उनका आँखाबाट तकियामा आँसु चुहिन्छ । उनलाई लाग्छ, आज उनको कल्पना बसेको 'सुन्दर, शान्त र विशाल' देशलाई नेताहरूले कुरूप पाररिहेछन् । त्यसैले यिनी आफ्नो रेस्टुराँमै भए पनि यस देशको सुन्दर छविलाई जीवन्त राख्न चाहन्छन् ।

-प्रकटकुमार शिशिर
‘सपनाको देश’ मानिने मुलुक संयुक्त राज्य अमेरिका जान चाहने युवाहरूको संख्या बढ्न थालेको छ । आफ्नो भविष्य बन्ने देखेपछि युवा पुस्ताले अमेरिकालाई पहिलो स्थानमा राख्ने गरेका छन् । व्यवसाय, उच्च शिक्षा अध्ययन अनि रोजगारीका लागि अमेरिका पुग्ने नेपालीको संख्या बढ्दो छ । अमेरिका सरकारले सन् १९९४ देखि ईडीभी चिठ्ठा कार्यक्रम ल्याएपछि अमेरिका पुग्ने नेपालीको संख्या बढ्दै गएको हो ।

ईडीभी २०१३ का लागि एक महिनाको अवधिमा लाखौं नेपालीले फारम भरिसकेको साइबर सञ्चालकहरूको अनुमान छ । काठमाडौंलगायत विभिन्न सहरका साइबर क्याफेहरूमा डीभी भर्ने युवायुवतीको भीड लागेको छ । काठमाडौंमा ई–स्पट, इजोन, यारालगायत साइबर क्याफेमा ईडीभी भर्नेको घुइँचो लागेको छ । मुलुकमा पर्याप्त रोजगारीको अवसर नभएका कारण विदेश–मोह बढ्दै गएको युवाहरूको भनाइ छ । डीभी चिठ्ठा वर्षैपिच्छे खुल्दै आएको छ । यसपटक असोज १७ गतेदेखि खुलेको डीभी भर्ने म्याद शनिबार सकिँदै छ ।
बर्सेनि ४ लाख नेपाली कामदार खाडीलगायत विभिन्न देशमा जाने गरेका छन् । चाहे खाडी मुलुक होस् या ईपीएसमार्फत कोरिया जाने नेपाली वा ईडीभी भर्नेमा युवाहरू नै बढी पाइन्छन् । नेपालको श्रमबजारमा वार्षिक रूपमा ४ देखि ५ लाख युवा आउने भए पनि रोजगारीको पर्याप्त अवसर नहुँदा युवाहरू बिदेसिने गरेका छन् ।
न्युरोडस्थित ई–स्पट नेपालमा बिहीबारसम्ममा ११ हजार जनाले डीभी भरिसकेका छन् । बानेश्वरमा रहेको इजोनमा १० हजार र यारा डिजिटलमा ७ हजार जनाले डीभी भरेको सञ्चालकहरू बताउँछन् । “प्रत्येक वर्ष ईडीभी भर्नेको संख्या बढ्दै गएको छ,” ई–स्पटकी दीपा भुजूले भनिन्, । उनले ईडीभी फारम भर्नकै लागि १५ जना कर्मचारी राखिएको बताइन् ।

कलेज पढ्ने हुन् वा जागिरे तन्नेरी हरेकको सपना डिभी चिठ्ठामार्फत अमेरिका जाने हुन्छ । त्यो चाहनालाई अमेरिकन गि्रन कार्डले पूर्ति गरिदिएको छ । विभिन्न पेसा, व्यवसायमा संलग्न युवाहरू स्वदेशको कमाइबाट सन्तुष्ट नभएपछि अमेरिका जान पाइने आसमा डिभी फारम भरिरहेका छन् ।

राम्रो सेवा-सुविधासँगै 'डलर' मा तलब पाइने आसमा हरेक वर्ष खुल्ने अमेरिकन गि्रन कार्ड चिठ्ठामा आकषिर्त हुँदै छन् । यतिबेला सहरका होर्डिङ बोर्डदेखि डिभी फारम भर्ने संस्थाहरूमा अमेरिका जाने सुवर्ण अवसर लेखिएको प्रचार गरेर डिभी फारम भर्न आकषिर्त गराइएको छ । यही भएर त यी स्थानहरूमा तन्नेरीहरूको बिहानदेखि बेलुकासम्म डिभी भर्न तँछाडमछाड हुँदै आएको छ । मुलुकको अवस्थादेखि नैराश्य पैदा गराएपछि भाग्य हेरौं भन्दै पेसा, व्यवसायमा लागेकाहरू पनि डिभी भर्न आतुर देखिएका छन् । काम गरेअनुरूपको तलब सुविधा नपाउनु र मुलुकको राजनीतिक अवस्थाका कारण पेसा-व्यवसायमा संलग्न युवाहरू अमेरिकन गि्रन कार्ड चिठ्ठा भरेर अमेरिकामा बसोबास र रोजगारको सुनौलो अवसर खोजिरहेका छन् ।

शुभ विजया दशमीको उपलक्ष्यमा सहयात्री साथीहरु, ब्लगर साथीहरु

लगाएत देश विदेश मा रहनु हुने सम्पूर्ण नेपालीमा

हार्दिक मंगलमय शुभकामना

व्यक्त गर्दछु ।
आयुद्रोणसुते श्रयिम् दशरथे शत्रुक्षयो राघवे ।ऐश्वर्यं नहुषे गतिश्च पवने मानम् च दुर्योधने ।।
शौर्यं शान्तनवे बलं हलधरे सत्यं च कुन्तीसुते ।विज्ञानं विदुरे भवन्तु भवताम् कीर्तिश्च नारायणे ।।
जयन्ती मंगला काली भद्रकाली कपालिनी ।दुर्गा क्षमा शिवा धात्री स्वाहा स्वधा नमोस्तुते ।।
सर्व मंगलमांगल्ये शिवे सर्वार्थसाधिके ।शरण्ये त्र्यम्बके गौरि नारायणि नमोस्तुते ।।

जमाना जिन्सको

विसं '३० को दशकतिर सोल्टी होटलमा आयोजित एउटा पार्टीमा जिन्स पाइन्टमा ठाँटिएर जाँदा फोटोग्राफर हरविंश किराँतलाई हलभित्र पस्नै गाह्रो भयो। सुरक्षा गार्डसँग निकैबेर कचकच गनुपर्‍यो रे उनले। जिन्स पाइन्टको सट्टा ती सुरक्षाकर्मी उनलाई औपचारकि पोसाकमा खोजिरहेका थिए। समयको कुरा न हो, अहिले भने फेसनको दुनियाँमा त्यही जिन्सको एकछत्र राज छ।
जिन्ससँग जोडिएको अर्को किस्सा छ, गायक ओमविक्रम विष्टसँग पनि। ०२६/२७ सालताका जिन्सको लुज पाइन्ट लगाएर हिँड्दा न्युरोडबासीले काट्नसम्म उनका कुरा काट्थे रे! तर, अहिले त्यही न्युरोड जहाँ दैनिक लाखौँ रुपियाँको जिन्स कारोबार हुन्छ। विष्ट भन्छन्, "अब जवानीमा जिन्स नलगाउने मान्छे को होला ?" हुन पनि हो, अहिले बच्चादेखि पाका उमेरसम्मका थरीथरीका जिन्समा चिटिक्क परेर हिँडेका देखिन्छन्। जिन्सबाट पाइन्ट मात्र होइन, अनेकन पहिरन बनेका छन्। पहिरनको अर्थतन्त्रमा जिन्सको हिस्सा बढ्दै छ। समाजशास्त्री प्रा गणेश गुरुङ भन्छन्, "अब त जिन्स संस्कृतिजस्तै भइसक्यो। मान्छेको पहिरन रुचि जिन्समै केन्दि्रत देखिन्छ।"

तयारी कोरिया भाषापरीक्षाको

यतिबेला नेपाली युवाहरू कोरियन भाषा परीक्षामा सामेल हुने तरखरमा छन्। यसपटक ५७ हजार ६ सय ७५ नेपाली युवायुवती कोरिया जान भाषा परीक्षण -ईपीएस) का लागि तयार छन्। तेस्रो कोरियन भाषा परीक्षा २०६८ साउन ६ गते शुक्रबार र ७ गते शनिबार आवेदन संख्याका आधारमा सञ्चालन गरिने भएको छ। वस्तुगत बहुउत्तरको मूल्यांकनमा आधारित सुनाइ र पढाइ सीप कोरियन भाषपरीक्षाको आधार हुनेछ। दुवै परीक्षाको बीचमा मध्यान्तर हुनेछैन।
कोरियन भाषा परीक्षणमा परीक्षार्थीले सुनेर, बुझेर र पढेर दिइएको उत्तरपुस्तिकामा सही उत्तरमा चिह्न लगाउनुपर्छ। प्रश्नपत्रमै विकल्पका रूपमा चारवटा उत्तर समावेश गरिएका हुन्छन्। हेर्दा सजिलो लाग्ने वस्तुगत प्रश्नमा एकमात्र सही उत्तरमा चिह्न लगाउनुपर्छ। उपयुक्त उत्तरमा चिह्न मात्र लगाउनुपर्ने यस्तो परीक्षामा सजग नहुँदा परीक्षार्थीले गलत उत्तर गलत स्थानमा प्रयोग गर्ने सम्भावना निकै हुन्छ। प्रश्नपुस्तिका र उत्तरपुस्तिका फरक-फरक हुन्छन् ।

सतहमा भएको माटोमा गुणस्तरीय सडक बन्न नसक्ने भएपछि अन्यत्रबाट ल्याएर पनि बलियो बनाएको सुन्दा अचम्म लाग्छ । तपाई हामी सरर गुड्ने मुलुककै फराकिलो तीनकुने-भक्तपुर सूर्यविनायक ६ लेनमा गुणस्तरीयता झल्काउने यो एउटा उदाहरण हो । जापानले करिब २ अर्ब खर्च गरी बनाएको यस सडकको सतहमा नदेखिने यस्ता बाक्लै अनुभव नेपाली कर्मचारीसँग छन् । सडक विस्तारको क्रममा ३० जना इन्जिनियर, ६० जना सुपरभाइजर र पाँच सय कामदारले जापानीसँग व्यावहारिक ज्ञान सिकेका छन् । ९ दशमलव १ किलोमिटर लम्बाइको सडक विस्तारमा नेपालीले सिकेका ज्ञान र अनुभव काठमाडौं-भक्तपुर सडक विस्तार आयोजना प्रमुख सरोज प्रधानको शब्दमा-
सडक विस्तारको क्रममा बढीमा ६ जना मात्रै जापानी उच्च प्राविधिक थिए । बाँकी सबै नेपाली । जतिसुकै अप्ठेरोमा पनि निर्धारित समयमा गुणस्तरीय काम गर्न सकिने सम्भावना यस आयोजनाले देखाएको छ । काम गर्न साता र महिना दिनको कार्यतालिका बनाइएको हुन्थ्यो । कुन दिन कहाँ काम गर्ने ? अलकत्रा कहाँ बनाउने ? निर्माण सामग्री कहाँ तयार गर्ने ? कुन बेला कति सामान ढुवानी गर्ने ? पहिले नै योजना बनाइएको हुन्थ्यो ।

साईबाबाको निधनलगत्तै उनको पुनर्जन्मको चर्चा चल्न थालेको छ । मैसुरस्थित एक परिवारले सन् २०१२ मा साईबाबाले प्रेम साईका रूपमा पुनर्जन्म लिने दाबी गरेको छ । बाबाको पुनर्जन्म मन्ड्या जिल्लाको डोडामालुरमा कृष्ण मन्दिरनजिकै हुने साईबाबाका एक भक्तको विश्वास छ । "यो हाम्रो भविष्यवाणी होइनÙ बाबा स्वयंले मेरी आमा कानाम्मा तथा हजुरआमा नाम्मा गिरिअम्मालाई मैसुरस्थित हाम्रो निवासमा एकपटक बताउनुभएको हो", बाबाभक्त अवकाशप्राप्त खाद्य प्राविधिक अनुसन्धान संस्थाका उपनिर्देशक शङ्करले बताए । शङ्करले आˆनी आमालाई उद्धृत गर्दै बाबा नारायाना कस्तुरीकोमा जन्म लिने पनि दाबी गरे । जसले बाबाको बारेमा चार भागमा जीवनी लेखेका छन् । यसै पुस्तकमार्फत सन् १९६३ मा बाबाले प्रथमपटक पुनर्जन्म लिने दाबी गरेका थिए । कयौँ पुस्तादेखि शङ्करका पूर्वजहरू बाबाका कट्टर भक्त छन् । ९० वषर्ीया कानाम्मा बाबाका अत्यन्त निकटवर्ती भक्त मानिन्छन् जसको मैसुरस्थित निवासमा बाबा छपटक पुगिसकेका छन् । कानाम्माले बाबासँगका अनुभूतिलाई पुस्तकमा पनि उतारेकी छन् ।

निर्वाचन आयोगले विदेशमा रहेका नेपालीलाई पनि फोटोसहितको मतदाता परिचयपत्र उपलव्ध गराउने भएको छ । त्यसका लागि विदेशमा रहेका नेपालीहरुको फोटोसहितको मतदाता नामावली संकलन कार्य सुरु गर्ने तयारीमा आयोग जुटेको छ । आयोग कार्यवाहक प्रमुख निलकण्ठ उप्रतीले फोटोसहितको मतदाता नामावली संकलनका लागि सम्भाव्यता अध्ययन र प्राविधिक तयारीको काम भइरहेको जानकारी दिनुभयो । प्रत्येक नेपालीको मतदानमा भाग लिन पाउने अधिकारको सम्मान गर्दै आयोगले नयाँ व्यवस्था गर्न लागेको उप्रेतीको भनाई छ । आयोगले फोटोसहितको मतदाता परिचयपत्रका लागि नेपाली नागरिकता अनिवार्य हुने स्पष्ट गरेको छ । आयोगले वैशाख महिना भरी आन्तरिक तयारी गरेर जेठबाट काम थाल्ने बताएको छ । आयोग प्रवक्ता राजेन्द्र शर्माले पहिलो चरणमा यूएई, साउदी अरव, मलेसिया र कतारबाट काम सुरु गरिने जानकारी दिनुभयो । मतदानका लागि भने सम्वन्धित तोकिएको जिल्लाको निर्वाचन क्षेत्रमै जानुपर्ने आयोगले जानएको छ । निर्वाचन आयोगले हाल मुलुकका तीन हजार नौ सय ६ गाविस र ५४ नगरपालिकामा फोटोसहितको मतदाता नामावली संकलन कार्य जारी राखेको छ ।

अन्तिम हुनु अन्त्य होइन

अंग्रेजीमा एउटा भनाइ प्रचलित छ। लास्ट वट नट द लिस्ट' अर्थात् जो अन्तिम हुन्छ त्यो सबैभन्दा कम महत्त्वको होइन। यसको अर्थ पनि उत्तिकै मूल्यवान् र महत्त्वपूर्ण छ, अर्थविहीन होइन। हामीमध्ये धेरैले अन्तिम हुनुलाई अन्त्यका रूपमा लिएका हुन्छौं। शब्द उस्तै लागे पनि र समान देखिए पनि अन्तिम हुनु तथा अन्त्य हुनुको अर्थबीच आकाश-जमिनको फरक छ। शब्दबीच भेद वा अन्तरलाई नबुझ्दा मानिसहरू आफ्नो स्वर तथा क्रियाकलापबीच पनि अन्तर पैदा गर्न सक्दैनन्। अन्तिम हुनु के कुराको प्रमाण हो भने त्यो स्थिति स्थायी छैन। किनभने त्यो स्थिति कुनै क्रम भएर गुजि्रएको हुन्छ र जुन आज अन्तिम छ भोलि त्यही नै प्रथम बन्न सक्छ। अन्तिम हुनुले के बताउँछ भने अझै पनि परिवर्तनको सम्भावना बाँकी छ। जुन कारणबाट अन्तिमको स्थितिमा पुगिन्छ, ती कारणलाई मनन गरेर भोलि हुने र घट्न सक्ने परिणामलाई परिवर्तन गर्न सकिन्छ वा त्यो परिणाम आउन नदिने प्रयास गर्न सकिन्छ।

नयाँ वर्ष सम्पूर्ण नेपाली दाजुभाई, दिदिबहिनी लगायत मेरा सम्पुर्ण ब्लग & फेसबुकका साथीहरु मा
समृद्धिको
प्रस्थानबिन्दु बनोस् हार्दिक मंगलमय
शुभ कामना..........

कामचलाउ वर्ष

आगामी बुधबार वर्ष २०६७ हामीबाट बिदा हुँदैछ । नेपाली इतिहासको कालखण्डमा यो वर्षले खासै ठूलो महत्व नराखे पनि आगामी केही वर्षसम्म यो वर्षलाई नेपाली जनताले सम्झना गरिरहनेछन् । यो वर्ष प्रारम्भ हुँदा नेपाली जनताले आफू सार्वभौम भएको अनुभूति गर्न सक्ने लोकतान्त्रिक संविधान प्राप्त गर्ने आशा गरेका थिए । त्यो आशा अपुरो नै रह्यो भने संविधानसभाले आफ्नो म्याद थप गरेर एउटा अर्को कामचलाउ वर्षका रूपमा वर्ष २०६७ लाई प्रयोग गरेको छ ।

त्यति मात्र नभै तत्कालीन अवस्थाको प्रमुख प्रतिपक्ष नेकपा -माओवादी) को जिद्दिका कारण बहुमतमा रहेका तत्कालीन माधवकुमार नेपालको सरकार राजीनामा गर्न बाध्य भयो । नेपाल सरकारको राजीनामाले मुलुकलाई निकास दिनुको सट्टा नयाँ सरकार गठन हुन नसकेर कामचलाउ सरकारको हैसियतमा मुलुकले माधवकुमार नेपालको नेतृत्वलाई निरन्तरता दिइरहनुपर्ने पीडासमेत भोग्नुपर्‍यो ।

새해 복 많이 받으세요"Say hay boke-mahn he pah du say oh" is the New Year's greeting in Korea. New Year's day is the greatest celebration of the year in Korea. Like, Chinese and Vietnamese, Korean New Year (Seol-Nal) is also celebrated at sunset on the day of the second new moon after the winter solstice. It is a Lunar New Year (harvest moon festival). Seol Nal is a three day celebration and almost all Koreans move to their hometowns to celebrate the occasion.

नब बर्ष को उपलक्ष्यमा संपूर्ण साथी-भाई, ईस्टमित्र हरु मा हार्दिक मंगलमय शुभकामना............!!!!

Nepal Tourism Year 2011

आहा पोखरा

पोखरा सहर, फेवा ताल तथा माछापुछ्रे र अन्नपूर्ण हिम श्रृखला। पर्यटक भित्र्याउन यहाँ सडक महोत्सवको तयारी भइरहेको छ। तस्बिर:चन्द्रशेखर कार्की

बालबालिकालाई यी छ कुरा कहिल्यै नभनौं

अभिभावकले बालबालिकासँग व्यवहार गर्दा निकै सतर्क रहनुपर्छ। बालमस्तिष्कमा कुनै पनि कुराको गहिरो छाप पर्छ। बालबालिकासँग नराम्रो व्यवहार गरियो भने भविष्यमा त्यसको परिणाम नकारात्मक हुनसक्छ। त्यसकारण अभिभावकले सचेत भएर बालबालिकासँग प्रस्तुत हुनुपर्छ। एकैछिनको असावधानीले भविष्यमा पछुताउनुभन्दा बेलैमा बुद्धि पुर्‍याउनु उपयुक्त हुन्छ। वास्तविक कुरा नबुझी बालबालिकाहरूलाई हप्काउनु हुँदैन। यसले उनीहरूमा नकारात्मक प्रभाव पर्छ। छोराछोरी बिग्रनु र सप्रनुमा आमाबुवाको विशेष भूमिका हुन्छ। त्यसकारण छोराछोरीलाई यी कुरा कहिल्यै नभनौं।तँ नजन्मिएको भए हुन्थ्यो धेरैजसो अभिभावक रिसाएका बेला छोराछोरीलाई यही भनेर गाली गर्छन्। क्षणिक आवेगमा बोलिएको यस्तो वाक्यले बालबालिकाको मनमा निकै उथलपुथल ल्याउँछ। आमाबुवाले त बोलिसकेपछि बिर्सेलान् तर छोराछोरीले कहिल्यै बिर्संदैनन्। यस्तो वाक्यबाट उनीहरू आफूलाई उपेक्षित महसुस गर्छन्। त्यसैले जस्तै रिस उठे पनि अभिभावकले यस्तो कुरा भन्नु हुँदैन। आफ्नो भाइबाट केही सिक सबै बालबालिकाको आ-आफ्नै क्षमता हुन्छ। त्यसैले अभिभावकको इच्छाअनुसार उनीहरू अघि बढ्न सक्दैनन्। छोराछोरीलाई अरूसित तुलना गरेर सम्झाउन खोज्नु उनीहरूको अवमूल्यन गर्नु हो। अझ हुर्किसकेका छोराछोरीलाई साना भाइ-बहिनीबाट केही सिक भनेर सम्झाउनु हुँदैन। आफूभन्दा सानाका अगाडि बेइज्जत हुनुपर्दा उनीहरूमा हीनताबोध हुन्छ। फलस्वरूप उनीहरू हुर्कने क्रमसँगै आमाबुवासित टाढिँदै जान्छन्। यसबाट कालान्तरमा अभिभावकलाई नराम्रो हुन्छ। त्यसैले अरूसँग तुलना गर्दा बालबालिकाको आत्मसम्मानमा नकारात्मक परिणाम आउँछ।

तिमी परिश्रम गर्दिनौ अभिभावकहरू बालबालिकाहरूबाट क्षमताभन्दा बढी सफलताको आशा गर्छन्। अपेक्षाअनुरूपको परिणाम नपाउँदा उनीहरू बालबालिका अल्छी भएको आरोप लगाउँछन्। बालबालिकाहरूका स-साना उपलब्धिमा पनि खुसी हुनुपर्छ। बालबालिकालाई धेरै मानसिक दबाब दिनु हुँदैन। उनीहरूको क्षमता पहिचान गरी व्यवहार गर्नुपर्छ। कहिलेकाहीँ अभिभावकलाई खुसी राख्न बालबालिकाहरू क्षमताभन्दा बढी गर्न खोज्छन्। यस्तो अवस्थामा तिमी परिश्रम गदैर् नौ भनियो भने नकारात्मक परिणाम आउन सक्छ। बढी श्रम गराएर बालबालिकाबाट उनीहरूको बालापन खोस्नु हुँदैन। उनीहरूको इच्छा एवं रुचिमा ध्यान दिएर व्यवहार गर्नुपर्छ। तिम्रो संगत ठीक छैन अभिभावकहरू छोराछोरीका साथीभाइका विषयमा प्रहरीले झैं सोधपुछ गर्छन्। कोसँग खेल्ने कोसँग नखेल्ने आदि कुराको निर्धारण पनि उनीहरू आफै गछर् न्। छोराछोरीका साथीहरूको मूल्याङ्कन पनि उनीहरू नै गर्छन्। बालबालिकाहरू साथीका मामिलामा निकै भावुक हुन्छन्। उनीहरू आफ्ना साथीका बारेमा नकारात्मक कुरा सुन्न रुचाउँदैनन्। बालबालिकाहरूलाई कुबाटोमा जान दिनु हुँदैन तर त्यसो भन्दैमा उनीहरूलाई हरेक समय तिम्रो संगत ठीक छैन भनेर चिढाउनु पनि हुँदैन। यस्तो पहिरन लगाऊ त्यस्तो नलगाऊ बाल्यावस्थामा विशेषगरी छोरीहरू पहिरन लगाउने कुरामा निकै सतर्क हुन्छन्। उनीहरू इच्छाअनुसारका पहिरनमा ठाँटिन मन पराउँछन् तर अभिभावकहरू आफ्नो इच्छा बालबालिकामाथि थोपर्न खोज्छन्। यसको परिणाम राम्रो हुँदैन। उनीहरू पहिरनका विषयमा गरिने नकारात्मक टीका-टिप्पणी मन पराउँदैनन्। त्यसकारण यस्तो पहिरन लगाऊ उस्तो नलगाऊ भन्नु हुँदैन। यस्तो पहिरन तिमीलाई सुहाउँछ भनेर सल्लाह भने दिन सकिन्छ।तिमीले मलाई लज्जित बनायौ अभिभावकले बालबालिकाहरूसित तिमीले गरेको गल्तीले मलाई लज्जित बनायौ भनेर ठाडै भन्नु राम्रो मानिँदैन। यसो गर्दा उनीहरू आफ्नो गल्ती लुकाउन थाल्छन्। त्यसैले बालबालिकाहरूले गल्ती गरे भने उनीहरूलाई 'गल्ती मानवीय स्वभाव हो, अबदेखि यसो गरे राम्रो हुन्छ' भनेर गल्ती सुधार्ने अवसर दिनुपर्छ। यसो गर्दा उनीहरूको आत्मविश्वास बढ्छ। अभिभावकको साथ पाए उनीहरू गल्ती महसुस गरी त्यसलाई स्वीकार गर्न पछि हट्दैनन्। तिमी टेलिभिजनका कीरा हौ बालबालिकाहरू कम्प्यटुरमा गेम खेल्न, टेलिभिजन हेर्न तथा साथीभाइहरूसँग फोनमा गफ गर्न रमाइलो मान्छन्। स्कुलबाट घर फर्किएपछि धेरैजसो बालबालिका यसै गर्छन्। यसमा उनीहरू तिमी टेलिभिजनका कीरा हौ' भनेर हप्काउनु हुँदैन। टेलिभिजन बन्द गरी पढ्न दबाब दिनु हुँदैन। बरु उनीहरू लाई सबै कुराको महत्व बताउनुपर्छ, प्रेमपूर्वक सम्झाउनुपर्छ। उनीहरूलाई टेलिभिजन हेर्दा पढाइमा असर पर्छ, आँखा बिग्रन्छ भनेर सम्झाउन सकिन्छ। कहिलेकाहीँ बालबालिकालाई उनीहरूले मन पराउने कार्यक्रम हेर्न बोलाउनुपर्छ। यसो गर्दा उनीहरूलाई अभिभावकले आफ्नो ख्याल राखेको महसुस हुन्छ।